SSA – YMA

THAWHHONA THUTHLUNG

YMA hi Mizorama tlawmngai pawl lian ber, khawtin leh veng tina Branch nei vek a ni a, a din tirh a\angin Zirna ngaipawimawh changkanna bul a nih pawm tlattu pawl  a ni. Athil tum leh nihna te leh a thuthlung vawn mekte hi zirna thiltum nen inkungkaih tlat a ni a. Hemi kawnga hma a lo lak tawhna te pawh Mizoram izrna a tana mel lung pawimawh a tling a ni.

Hetianga YMA-in zirna a tana hma a lak mek laia Khawvel sawrkar \angrual leh India Sawrkar-in Mitinin Zirna \ha an neih theih nana beihpui thlakna Sarva Shiksha Abhiyan (SSA) , Mission  a rawn duang chhuak ta hi lawmawm kan ti a, SSA Mission leh YMA chuan ram leh hnam chawikan nan leh khua leh tui \ha chher-chhuah nan a hnuaia tarlan ang hian thawhho a lo rel ta a ni.

1.             Naupang Kum 6-14 inkar sikul kal rual, sikul kal lo dapchhuah kawngah te, sikul luhtir tura hmalakna kawngah leh zirna sian\hatna kawngah Y.M.A. leh SSA an thawkho ang.

2.             Naupang rualbanlote enkawlna chungchangah YMA leh SSA an thawkho ang a, an laka mipuite ngaihdan (mind set) siam\hat ngaite siam \ha turin hma an la ang.

3.             YMA leh SSA hi in pawh takin an thawkho ang a, thawhhona kawngah thurawn inpe tawnin an infinchhuahtawn \hin ang.

4.             YMA-in Zirna beihpui thlakna a mawhphurna hrang hrangte mumal zawka atih theih nan SSA Mission chuan Central Y.M.A kaltlangin atheih leh remchang angin Awareness Campaign, Group YMA-ah a pe \hin ang a, Awareness Campaign atana sum leh pai sensote hi \angkai taka hman a ni ngei  a ni tih entirnan Group Conference Programme leh Documents \ul angte Group-in Central Y.M.A-ah a pe lut \hin ang.

5.             A theih leh remchang angin zirna siam\hat kawngah theihtawp chhuahin hma an la tlang \hin ang a, hmalakna kawngah harsatna a awm palh a nih chuan hruaituten an sawiho \hin ang.

(LALHMACHHUANA)                                          (J.H ZOREMTHANGA)

  State Project Director                                                  President

Mizoram SSA Mission                                         Central YMA, Mizoram